Ուկրաինայի նախագահ Վլադիմիր Զելենսկին հայտարարել է նոր ձևաչափի՝ «Կարպատյան ութնյակի» (C8) ստեղծման մասին։ Ըստ նրա, այն միավորում է Ուկրաինային և եվրոպական հարևան երկրներին։
Զելենսկիի ներկայացմամբ՝ նոր ձևաչափում ընդգրկված են Ռումինիան, Սերբիան, Լեհաստանը, Սլովակիան, Չեխիան, Ավստրիան, Հունգարիան և Եվրամիությունը՝ որպես ամբողջություն։
«Սա կարևոր սկիզբ է մի գործընթացի, որի նպատակն է առավել ամրապնդել կապերը մեր երկրների միջև և խորացնել համագործակցությունը ԵՄ մակարդակով՝ անվտանգության, էներգետիկայի, լոգիստիկայի, անդրսահմանային առևտրի և մեր համայնքների աջակցության ոլորտներում»,— ասել է Ուկրաինայի նախագահը։