Նիկոլ Փաշինյանի այսօրվա ճեպազրույցի ընթացքում լրագրողներից մեկը նման իրավիճակը ներկայացրեց. Երևանի կենտրոնում՝ մասնավորապես Բաղրամյան պողոտայի բնակելի շենքերից մեկի հարևանությամբ, գիշերային ակումբ է գործում, և քաղաքացիները տարիներ շարունակ բողոքում են, որ աղմուկի և կռիվների պատճառով անգամ գիշերային ժամերին չեն կարողանում իրենց բնակարաններում հանգստանալ։
Լրագրողը հիշեցրեց՝ մամուլում տեղեկություններ կան, որ վերոնշյալ ակումբն առանց լիզենզիայի է գործում, ահազանգեր կան նաև մարդկանց թրաֆիքինգի մասին։
Մասնավորապես մի քանի օր առաջ ՆԳՆ-ն հաղորդագրություն էր տարածել, որ աշխատակիցն իրենց դիմել է և հայտնել, որ տնօրենը ստիպել է գումարի դիմաց սեռական հարաբերություններ ունենալ հաճախորդի հետ։
Փաշինյանը նկատեց՝ սա հաղորդում է հանցագործության մասին և խնդրեց, որ գլխավոր դատախազությունը զբաղվի այս հարցով։