«Թալանչի՞ եք դուք, թե՞ թալանչի չեք, կպարզվի այն ժամանակ, երբ դուք այլևս չզբաղեցնեք վարչապետի պաշտոնը․ կամ գուցե թալանելու անհրաժեշտություն, այո՛, կարող է դուք չունեք։ Գիտե՞ք՝ ինչու, որովհետև ձեր կուսակից Հայկ Սարգսյանը սենսացիոն բացահայտումներ է արել, թե դուք ինչի մեջ եք խառնված․ ուղղակիորեն ասել է, որ օնլայն կազինոները ամենաբարձր մակարդակով վայելում են իշխանության հովանավորչությունը։ Այդ որ սրա-նրա գույքը պետականացնում եք, իբր վերցնում եք, տալիս եք ժողովրդին, բայց ոչ մի բան էլ ժողովրդին չի հասնում, մի անգամ ձեր մտքով անցե՞լ է «Վիվարոն» կամ մյուս օնլայն կազինոները, որ թալանում են այս ժողովրդին, ինքնասպանությունների պատճառ են դառնում, մի անգամ ձեր մտքով անցե՞լ է, որ քաղաքացու շահից է բխում, որ պետականացվեն»,- այս մասին ԱԺ հարցուպատասխանի ժամանակ, դիմելով Նիկոլ Փաշինյանին, ասաց «Հայաստան» խմբակցության պատգամավոր Ագնեսա Խամոյանը։
Մանրամասն՝ տեսանյութում։