«Քրեական ենթամշակույթի հետ կապված պատմություններ կան։ Նա մի դրվագ էր պատմում, որ ինձ հետ եկել է Մոսկվա, բայց չի պատմում այն դեպքը, որը տեղի է ունեցել հյուրանոցում։ Հյուրանոցի նախամուտքում նստած՝ սպասում էինք հանդիպման գնալուն, ասաց՝ մեր ընտանիքի ընկերը կարո՞ղ է գալ։ Նրա ներկայությունը բերեց կոնֆլիկտի, նա բռնեց իմ ձեռքից, քաշեց, ես նրա վրա բղավեցի։ Վերջում պարզվեց՝ հայտնի քրեական հեղինակություն է»,- ասել է ԱԺ նախագահ Ալեն Սիմոնյանը՝ անդրադառնալով «Քաղաքացիական պայմանագիր» կուսակցության պատգամավոր Հայկ Սարգսյանին։
Նրա խոսքով՝ այդ միջադեպից հետո ինքը չի մնացել այդ միջավայրում․ «Ես մենակ չեմ եղել, եղել են մեր պատգամավորները և կփաստեն։ Աչքերը ճպճպացնում է ու խոսում․․․ Մենք խոսել ենք, իրեն ասել ենք»։