Վրաստանի վարչապետ Իրակլի Կոբախիձեն հայտարարել է, որ իշխանությունները կկանխեն ընդդիմության կողմից, իր խոսքով, տարածվող հակառուսական տրամադրությունների խորացումը։ Նա նշել է, որ ռուսաֆոբիան վրացիներին բնորոշ չէ և կարող է հանգեցնել քաղաքական լարվածության ու տնտեսական խնդիրների։
Կոբախիձեի խոսքով՝ Թբիլիսին շարունակելու է Մոսկվայի նկատմամբ վարել «պրագմատիկ և սկզբունքային» քաղաքականություն։ Նա նաև ընդգծել է, որ անցյալի տարաձայնությունները չպետք է հիմք դառնան վրաց և ռուս ժողովուրդների միջև թշնամանքի համար։