Սիրիայում բողոքի ցույցեր են սկսվել վառելիքի գների կտրուկ՝ մոտ 40 տոկոսով բարձրացումից հետո։ 95 տեսակի բենզինի գինը բարձրացել է 152-ից մինչև 195 սիրիական լիրա, իսկ դիզելային վառելիքինը՝ 125-ից մինչև 175 լիրա։
Սիրիայի էներգետիկայի նախարարությունը թանկացումը պայմանավորել է համաշխարհային շուկաներում ստեղծված իրավիճակով։ Միաժամանակ, երկրում օրական արդյունահանվում է շուրջ 100 հազար բարել նավթ, մինչդեռ ներքին պահանջարկը կազմում է մոտ 325 հազար բարել։