ԱՄՆ-ն առաջին անգամ հաստատել է, որ Երկրի ուղեծրում տիեզերական զենք է տեղակայել։ ԱՄՆ ռազմաօդային ուժերի քարտուղար Թրոյ Մեյնկը նշել է, որ այն անհրաժեշտ է ամերիկյան ուժերը թշնամական գործողություններից պաշտպանելու համար։ «Օդ, տիեզերք և կիբերտարածք» համաժողովում Մեյնկը հայտարարել է, որ ԱՄՆ-ը պատրաստ է դիմակայել «զարգացող սպառնալիքներին», սակայն չի մանրամասնել զենքի հնարավորությունները կամ դրա՝ ուղեծիր դուրս բերման ժամկետը։
Դոնալդ Թրամփի վարչակազմը տիեզերական հնարավորություններն ու որսացող հրթիռները համարում է ԱՄՆ-ը հրթիռային և այլ օդային սպառնալիքներից պաշտպանելու համար նախատեսված «Golden Dome» համակարգի կարևոր բաղադրիչներ։ 1967 թվականի պայմանագրով արգելվում է զանգվածային ոչնչացման զենքի տեղակայումը ուղեծրում։ Միևնույն ժամանակ, ԱՄՆ-ը, Ռուսաստանը և Չինաստանը զարգացնում են արբանյակների դեմ ուղղված այլ հնարավորություններ։
ԱՄՆ Տիեզերական ուժերը ստեղծվել են 2019 թվականին։ Կառույցը հայտարարել է, որ տիեզերական հնարավորությունները կարող են կիրառվել ինչպես պաշտպանական, այնպես էլ հարձակողական նպատակներով։