Սոչիում ժամանակավորապես սահմանափակել են մուտքը դեպի լողափեր և ափամերձ ճեմուղիներ՝ անօդաչու նավակների հարձակման սպառնալիքի պատճառով, հայտնել է քաղաքապետ Անդրեյ Պրոշունինը։
«Փրկարարներն ու պահպանությունը բարձրախոսների միջոցով զգուշացնում են հնարավոր վտանգի մասին: Խնդրում եմ հանգստավայրի բնակիչներին և հյուրերին նախազգուշական միջոցներ ձեռնարկել», – գրել է Պրոշունինը:
Որոշումն ընդունել է քաղաքային օպերատիվ շտաբը:
Սեպտեմբերի 9-ի երեկոյան, անօդաչու նավակը հարվածել էր Սոչիի ափամերձ ճեմուղուն, ինչից հետո հրդեհ էր բռնկվել: Արդյունքում տուժել էր 28 մարդ, այդ թվում՝ երկու երեխա:
