Հաղորդավարներ՝ Լուսինե Մուրադյան և Սևակ Հակոբյան։ Հյուր. Հելենա Մելքոնյան՝ Հայ Օգնության Ֆոնդի «Ayo!» հարթակի Համայնքային կապերի ղեկավար։ Թեման. Բարեգործություն, որը սկսվում է յուրաքանչյուրիցս:
Մենք հաճախ կարծում ենք, որ բարեգործություն անելու համար մեծ հնարավորություններ են պետք։ Բայց «Ayo!» հարթակը գալիս է ապացուցելու հակառակը։ Սա մի հարթակ է, որտեղ ամենակարևոր ու ազդեցիկ նախագծերը կյանք են ստանում հենց մեր մասնակցության շնորհիվ։
- Ինչպե՞ս է գործում հայկական ամենաթափանցիկ քրաուդֆանդինգի հարթակը։
- Ինչպե՞ս են հասարակ գաղափարները վերածվում հաջողված ու ազդեցիկ պատմությունների։
- Եվ ամենակարևորը՝ ինչպե՞ս կարող է յուրաքանչյուր փոքր աջակցություն մեծ փոփոխության սկիզբ դառնալ։
Ինչպես միշտ, հաղորդման ընթացքում կլինի նաև օրվա տեղեկատվական բլոկը՝
- Օրվա լրահոս,
- Եղանակի կանխատեսում,
- Քաղաքի խցանումների վիճակ,
- Տարադրամի փոխարժեքներ,
- «Զվարթնոց» օդանավակայանի թռիչքների ժամանակացույց,
- Լավագույն երաժշտական ընտրանի,
- Ու, իհարկե, անմիջական կապ ռադիոլսողների հետ։