Գրիգորյանը խնդրեց՝ որպես խորհրդարանական երկրի ԱԺ նախագահ, Ռուբինյանը հայտնի իր դիրքորոշումը կատարվածի վերաբերյալ, և հետաքրքրվեց որքանով են այս քայլերը մոտեցնում խաղաղությանը:
Ի պատասխան՝ ԱԺ նախագահն ընդգծեց՝ մենք բազմիցս ենք ասել, որ մեր նոր ձեռք բերած խաղաղությունը մշտական խնամքի կարիք ունի:
«Շատ կարևոր է զգայունություն ձեռք բերել տարբեր հարցերի վերաբերյալ: Ձեր մատնանշած հայտարարությունները, բնականաբար, չեն նպաստում կամ օգտակար չեն խաղաղության համատեքստում, բացի նրանից, որ դրանք նաև անհիմն են: Բայց, մյուս կողմից, լավ է այն փաստը, որ մենք հիմա խաղաղության պայմաններում ենք, և մեր անհամաձայնությունները կամ վեճերը նման հարցերի վերաբերյալ են, այլ ոչ թե արտահայտվում են սահմանային կրակոցներով կամ բախումներով»,- հայտարարեց ԱԺ նախագահը:
Ռուբինյանը ևս մեկ անգամ ընդգծեց՝ իր դիրքորոշումը հստակ էր՝ վերոնշյալ հայտարարությունները օգտակար չեն խաղաղության խնամքի համատեքստում:
«Սա հստակ դիրքորոշում է»,- խոսքը եզրափակեց ԱԺ նախագահը:
Հեղինակ`Կարմեն Ղուկասյան
Կարդացել են
անգամ