Կյանք պարգևելու առաքելությունը․ Սարգսյանների բժշկական դինաստիան

1. Ամիրբար Սարգսյան․ Հիմնադիր սերունդը

Ամիրբար Սարգսյանը բժշկական այս պատվաբեր ընտանիքի ավագ սերնդի վառ ներկայացուցիչն է, ում անունը կապված է հայաստանյան մանկաբարձության ակունքների հետ։ Լինելով երկար տարիների վաստակ ունեցող մանկաբարձ-գինեկոլոգ՝ նա ոչ միայն հազարավոր ընտանիքներին մայրության բերկրանք է պարգևել, այլև մեծ ավանդ է ունեցել ոլորտի զարգացման, բժշկական բարձր էթիկայի ձևավորման և հաջորդ սերունդների կրթման ու դաստիարակման գործում:

2. Աշոտ Ամիրբարի Սարգսյան․ Փորձառություն և նորարարություն

Ամիրբար Սարգսյանի արժանավոր որդին է բժշկական գիտությունների թեկնածու, մանկաբարձ-գինեկոլոգ Աշոտ Սարգսյանը: Նա երկար տարիներ ղեկավարում է «Գրիգոր Նարեկացի» բժշկական կենտրոնի գինեկոլոգիական բաժանմունքը։ Բժիշկ Աշոտ Սարգսյանը վայելում է բարձրակարգ վիրաբույժ-գինեկոլոգի համբավ․ նա փայլուն տիրապետում է ինչպես ավանդական (բաց), այնպես էլ ժամանակակից քիչ ինվազիվ՝ լապարոսկոպիկ վիրահատական մեթոդներին՝ ապահովելով պացիենտների բուժման ամենաբարձր չափանիշները:

3. Արամ Աշոտի Սարգսյան․ Ավանդույթների շարունակություն

Դինաստիայի երրորդ սերունդը ներկայացնում է երիտասարդ, փորձառու և խոստումնալից մանկաբարձ-գինեկոլոգ Արամ Սարգսյանը։

Կրթություն․ Գերազանցությամբ ավարտել է Երևանի Մխիթար Հերացու անվան պետական բժշկական համալսարանը՝ ստանալով հիմնարար և ժամանակակից բժշկական գիտելիքներ։

Գործունեություն․ 2010 թվականից աշխատում է «Գրիգոր Նարեկացի» բժշկական կենտրոնում որպես մանկաբարձ-գինեկոլոգ՝ պատվով շարունակելով հոր և պապի մասնագիտական հարուստ ուղին։

Բժիշկ Արամ Սարգսյանն իր պացիենտների կողմից բնութագրվում է որպես բացառիկ հոգատարություն, բարձր կրթվածություն և մասնագիտական կատարելություն ցուցաբերող մասնագետ, ում համար յուրաքանչյուր այցելուի առողջությունն առաջնահերթություն է:

Արամ ՍԱՐԳՍՅԱՆ