ԱՄՆ-ը կրճատել է այն ժամանակավոր միջանցքները, որոնց ընթացքում տանկերները կարող են անցնել Հորմուզի նեղուցով՝ ամերիկյան երաշխավորված պաշտպանության ներքո, հասցնելով դրանց թիվը երկուսի, հայտնում է Financial Times-ը՝ հղում անելով փաստաթղթերին։
Ինչպես պարզաբանում է թերթը, ԱՄՆ-ը Հորմուզի նեղուցով անցնող տանկերներից պահանջում է նավարկել միայն սահմանված ժամերին, որպեսզի կարողանա երաշխավորել նրանց ռազմական պաշտպանությունը։ Նավերի սեփականատերերը պետք է դիմում ներկայացնեն ԱՄՆ ռազմածովային ուժերի համակարգման կենտրոն, որն այնուհետև նավաստիներին փոխանցում է այն կոորդինատները, որոնցով նրանք պետք է շարժվեն, ինչպես նաև թույլտվություն է տալիս նեղուցով անցնել որոշակի ժամերի՝ հիմնականում գիշերային ժամանակ։
Կենտրոնի էլեկտրոնային նամակներից հետևում է, որ սեպտեմբերից ԱՄՆ-ը ժամանակային միջանցքների թիվը կրճատել է մինչև երկուսի։