Սաուդյան Արաբիայի արտաքին գործերի նախարարությունը խստորեն դատապարտել է «Արևելք-Արևմուտք» գլխավոր նավթամուղի վրա հարձակումը։
Ռիադի և Մեդինայի շրջաններում տրանսարաբական նավթամուղը ենթարկվել է Իրաքի տարածքից ժամանած մի քանի անօդաչու թռչող սարքերի հարվածներին, ինչի հետևանքով մի քանի մարդ տուժել է, իսկ ենթակառուցվածքին վնաս է հասցվել, ասվում է գերատեսչության հայտարարության մեջ։
Միևնույն ժամանակ, Ռիադը որոշել է ժամանակավորապես ձեռնպահ մնալ պատասխան քայլերից։ Թագավորության ԱԳՆ-ում պարզաբանել են, որ այդ որոշումն ընդունվել է Իրաքի վարչապետ Ալի ազ-Զեյդիի խնդրանքով։
Սաուդյան Արաբիան ակնկալում է Բաղդադին հնարավորություն տալ ինքնուրույն անհրաժեշտ միջոցներ ձեռնարկել՝ Իրաքի տարածքից իր և հարևան պետությունների ուղղությամբ հետագա հարձակումները կանխելու համար։
Ռիադում նաև ընդգծել են, որ իրենց իրավունք են վերապահում ձեռնարկել բոլոր անհրաժեշտ օրինական միջոցները՝ սեփական ինքնիշխանությունը, ռազմավարական ենթակառուցվածքները, ինչպես նաև երկրի քաղաքացիների և բնակիչների անվտանգությունը պաշտպանելու համար։