«Մի կողմից իշխանության ճնշումն է, մյուս կողմից պաշտոնը պահպանել ու ցանկությունն է․ հանդիպել են և «սիրել են մեկմեկու», երկուսն էլ իրենց քաղաքական կուսությունը կորցրել են։ Նիկոլ Փաշինյանը իբրև թե հեղափոխական իդեալներ կային, որոնց դավաճանել է, Առուշանյանն էլ ինչ-որ «պանյատաներ» կան, որոնց դավաճանել է։ Բայց դա թող անեն առանց ձևականությունների․․․ Եթե հաճույք եք ստանում, էլ «կուսությունից զրկվելուց» ձևեր թափե՞լը որն է, տղամարդավարի՛ արեք»,- այս մասին «24Նյուզ»-ի հետ զրույցում նշեց Սուրեն Սուրենյանցը՝ անդրադառնալով Նիկոլ Փաշինյանի հայտարարությանը, որ ՔՊ-ն դաշինք է կազմելու այն կուսակցության հետ, որով Գորիսի համայնքապետի պաշտոնում առաջադրելու է Առուշ Առուշանյանի թեկնածությունը
«Այսինքն՝ Առուշանյանը պետք է ուղղակի ՔՊ ցուցակով գնար ընտրությունների, ժավել է քսել վրան, որ չերևա՞։ Այստեղ քաղաքական բան մի՛ փնտրեք, կոնյուկտուրային ամուսնություն է։ Վաղն էլ քաղաքական իրավիճակ կփոխվի, էլի Առուշը կասի՝ ես հանուն Գորիսի ժողովրդի և բարեկեցության ընդունում եմ այլ դաշինք»,- հավելեց Սուրենյանցը։