«Օզոն»-ի Սարատովի լոգիստիկ կենտրոնը ենթարկվել է անօդաչու թռչող սարքի հարձակման, ինչից հետո օբյեկտում հրդեհ է բռնկվել։ Այս մասին հայտնել է ընկերության մամուլի ծառայությունը Telegram-ի իր ալիքում։
«Օզոն»-ը հայտնել է, որ վնասված լոգիստիկ կենտրոնում տեղակայված ապրանքները ժամանակավորապես թաքցվել են վաճառքի հարթակից։ Սարատովում և Սարատովի մարզում ժամանակավորապես դադարեցվել են պատվերների առաքումն ու ընդունումը, ինչպես նաև վաճառողներից ապրանքների ընդունումը։ Արդեն ճանապարհին գտնվող պատվերներն ու ապրանքները ընկերությունը վերաուղղում է այլ լոգիստիկ կենտրոններ։ Ընկերության տվյալներով՝ դա թույլ կտա վերակազմավորել լոգիստիկ երթուղիները և վերականգնել ծառայության աշխատանքը։
Ավելի վաղ Սարատովի մարզի նահանգապետ Ռոման Բուսարգինը հայտնել էր, որ Սարատովը ենթարկվել է անօդաչու սարքերի հարձակման, որի հետևանքով վնասվել է քաղաքացիական ենթակառուցվածքը։ Նրա խոսքով՝ նախնական տվյալներով՝ տուժածներ չկան։