Սեպտեմբերի 9-ին ՊՆ վարչական համալիրում կայացել է Զինված ուժերում ինքնասպանությունների և ոչ կանոնադրային հարաբերությունների հարցերով միջգերատեսչական աշխատանքային խմբի նիստը, հայտնել է ՊՆ մամուլի ծառայությունը։
Նիստը վարել է աշխատանքային խմբի ղեկավար, պաշտպանության նախարար Սուրեն Պապիկյանը։
Մասնակիցները քննարկել են նախորդ հանդիպման ընթացքում բարձրացված հարցերով կատարվող աշխատանքները և համապատասխան միջոցառումների ընթացքը։ Նիստի ավարտին հստակեցվել են խմբում ընդգրկված մարմինների փոխգործակցությունն ու հետագա անելիքները։
Ինքնասպանությունների և ոչ կանոնադրային հարաբերությունների հարցերով միջգերատեսչական աշխատանքային խումբը ստեղծվել է վարչապետ Նիկոլ Փաշինյանի որոշմամբ, որը հրապարակվել է 2026 թվականի օգոստոսի 19-ին։
