Հայաստանի արտաքին գործերի և միջազգային առևտրի նախարար Արարատ Միրզոյանը և Լատվիայի արտաքին գործերի նախարար Բայբա Բրաժեն ստորագրել են Հայաստանի Հանրապետության կառավարության և Լատվիայի Հանրապետության կառավարության միջև արձանագրություն՝ «Հայաստանի Հանրապետության և Եվրոպական միության միջև առանց թույլտվության բնակվող անձանց հետընդունման մասին» համաձայնագրի իրականացման վերաբերյալ, հայտնում են ՀՀ արտաքին գործերի և միջազգային առևտրի նախարարությունից։
ՀՀ արտաքին գործերի և միջազգային առևտրի նախարար Արարատ Միրզոյանն աշխատանքային այցով Ռիգայում է։ Արարատ Միրզոյանն այցի շրջանակներում հանդիպել է Լատվիայի ԱԳ նախարար Բայբա Բրաժեի հետ։