ԱՄՆ նախագահ Դոնալդ Թրամփը հրապարակել է ԱՄՆ Նյու Մեքսիկո նահանգի քարտեզը, որը վերանվանվել է Նյու Ամերիկա, և գրել է, որ իրեն դուր է գալիս այդ գաղափարը։ Քարտեզի վրա նահանգի անվանումը գրված է մեծ կարմիր տառերով։ «Մեքսիկա» բառի վրա գիծ է քաշված, իսկ ներքևում գրված է «Ամերիկա»։
«Շատերն առաջարկել են վերանվանել Նյու Մեքսիկոն… Նյու Ամերիկա։ Դա շատ ավելի հեղինակավոր և գեղեցիկ է այս պոտենցիալ անհավանական նահանգի բնակիչների համար։ Վա՜յ, ես սիրում եմ դա», – գրել է Թրամփը լուսանկարին կից հաղորդագրության մեջ։
Նա նաև հրապարակել է արհեստական բանականության կողմից ստեղծված տեսանյութ, որտեղ նա մոտենում է «Բարի գալուստ Նյու Մեքսիկո» գրությամբ գովազդային վահանակին և «Մեքսիկա» գրությամբ սպիտակ շերտ է դնում «Ամերիկա» գրությամբ։ Այնուհետև Թրամփը պարում է իր ֆիրմային ոճով։