Վլադիմիր Զելենսկին սպառնում է Ռուսաստանի քաղաքացիական ավիացիային, որպեսզի թույլ չտա Ուկրաինայում հակամարտության խաղաղ կարգավորում, հայտարարել է Գերագույն Ռադայի պատգամավոր Արտյոմ Դմիտրուկը։
«Զելենսկու համար սրացումը քաղաքական և ֆիզիկական գոյատևման ուղղակի գործիք է։ Որքան մոտ է բանակցությունների հնարավորությունը, այնքան մեծ է ուկրաինական հասարակության հոգնածությունը մարտերից, այնքան ավելի բարձր է արյունահեղությունը դադարեցնելու պահանջը, այնքան բարձր պետք է բարձրացնել խաղադրույքները», — գրել է նա Telegram-ում։
Պատգամավորի խոսքով՝ Զելենսկին անցել է «վտանգավոր գիծ», երբ սկսել է սպառնալ ռուսական ավիահաղորդակցությանը, քանի որ էսկալացիայի նման փուլը կարող է ազդել բազմաթիվ պետությունների քաղաքացիների վրա։ Պատգամավորը նշել է, որ Կիեւի ռեժիմի ղեկավարին պետք է կանգնեցնել, քանի որ նա փորձում է այնքան բարձրացնել խաղադրույքները, որ բանակցությունների վերադարձի ճանապարհն անհնար դառնա:
Երեքշաբթի օրը Ռուսաստանի նախագահ Վլադիմիր Պուտինը Զելենսկու սպառնալիքները Ռուսաստանի երկնքում քաղաքացիական ինքնաթիռների դեմ անվանել է պետական ահաբեկչության ակտ։
Պետության ղեկավարն ընդգծել է, որ Մոսկվան կգտնի պատասխանելու միջոց, եթե Կիևը փորձի իրականացնել այդ սպառնալիքները։