Ռուսաստանի Ամուրի մարզում քննություն է իրականացվում 22-ամյա երկաթուղային աշխատակցի մահվան դեպքի առթիվ։ Ողբերգական դեպքը տեղի է ունեցել գիշերը Հեռավոր Արևելքի երկաթուղու Դիպկուն կայարանում՝ մանևրային աշխատանքների ընթացքում։
Ռուսաստանի Քննչական կոմիտեի Արևելյան միջտարածաշրջանային տրանսպորտային քննչական վարչության փոխանցմամբ՝ երիտասարդը մասնակցել է բեռնատար գնացքի կազմավորման աշխատանքներին, որի ընթացքում ստացել է մահացու վնասվածքներ։
Նրան, սակայն, չի հաջողվել փրկել․ 22-ամյա աշխատակիցը մահացել է դեպքի վայրում։
Դեպքի առթիվ հարուցվել է քրեական գործ՝ անզգուշությամբ մահ պատճառելու հատկանիշներով։
Քննիչներն արդեն զննել են դեպքի վայրը և նշանակել դատաբժշկական փորձաքննություն։ Այժմ իրականացվում են անհրաժեշտ քննչական գործողություններ՝ միջադեպի ամբողջական պատկերը վերականգնելու և պարզելու համար, թե ինչ հանգամանքներում է տեղի ունեցել ողբերգությունը։
Քննության շրջանակում պարզվում են նաև դեպքի պատճառներն ու հնարավոր պատասխանատվության ենթակա անձանց հանգամանքները։