Միացյալ Նահանգները հետաքննում է շաբաթվա սկզբին իրանական հարսանիքի վրա մահաբեր հարվածը. հայտնել էլ ԱՄՆ փոխնախագահ Ջեյ Դի Վենսը։
Հիշեցնենք, որ երեքշաբթի օրը Իրանի հարավում հարսանեկան արարողության ժամանակ պայթյուն էր տեղի ունեցել, ինչի հետևանքով զոհեր են եղել։ Ըստ Reuters-ի՝ սա ամենայն հավանականությամբ, ամերիկյան զինամթերքի ուղիղ հարվածի արդյունք է եղել։
Միացյալ Նահանգները չի ընդունել միջադեպի պատասխանատվությունը։ Նախագահ Դոնալդ Թրամփի վարչակազմը բախվում է աճող ներքին հանրային ճնշման՝ ավարտին հասցնելու պատերազմը, որը բացասաբար է անդրադառնում նոյեմբերին կայանալիք Կոնգրեսի վճռորոշ միջանկյալ ընտրություններից առաջ նրա վարկանիշի վրա։
«Մենք հետաքննում ենք դա, որովհետև, ակնհայտորեն, դա մեզ մտահոգում է։ Մենք ուզում ենք իմանալ»,- ասել է Վենսը՝ հավելելով,- «Եթե մենք սխալներ ենք թույլ տալիս, կրկնում եմ, սա մեծ տարբերություն է մեր և Իրանի միջև, երբ մեր զինվորականները սխալներ են թույլ տալիս, նրանք սովորում են դրանցից, որպեսզի փորձեն ավելի լավը դառնալ»։
ԱՄՆ զինվորականները հայտարարել են, որ տեղյակ են իրանական հաղորդագրություններին, սակայն իրենք «երբեք թիրախավորում չեն իրականացնում քաղաքացիական բնակչության դեմ»։