Սեպտեմբերի 5-6-ը Մեղրիում կանցկացվի «ՏԱՐԱԶֆեստ — Մեղրի 2026» ավանդական տարազի և արհեստների միջազգային փառատոնը, հայտնում է ՀՀ կրթության, գիտության, մշակույթի և սպորտի նախարարությունը (ԿԳՄՍՆ)։
Ծրագրում նախատեսված են ավանդական և ժամանակակից էթնո-հավաքածուների ցուցադրություններ, վարպետության դասեր, ինչպես նաև ավանդական արհեստների, տեքստիլի և ձեռագործ աշխատանքների ցուցահանդես-վաճառք։
Փառատոնը կմիավորի դիզայներների, ավանդական արհեստների վարպետների և պատվիրակությունների Հայաստանից, Ղազախստանից, Տաջիկստանից, Ղրղզստանից, Ռուսաստանից, Բելառուսից, Թուրքմենստանից և Ուզբեկստանից։
«ՏԱՐԱԶֆեստ»-ը «Տերյան մշակութային կենտրոնի» ամենամյա նախագծերից է։ Այն կազմակերպվում է ԿԳՄՍՆ-ի և Անկախ Պետությունների Համագործակցություն (ԱՊՀ) մասնակից պետությունների հումանիտար համագործակցության միջպետական հիմնադրամի աջակցությամբ։
2026 թվականի ապրիլին Մեղրին հռչակվել էր ԱՊՀ մշակութային մայրաքաղաք։
