«Ուժեղ Հայաստան» դաշինքի առաջնորդ Սամվել Կարապետյանի գործով այսօր նշանակված դատական նիստը հետաձգվել է, Armenia Today-ին հայտնել է Կարապետյանի փաստաբան Արմեն Ֆերոյանը։
Փաստաբանի խոսքով՝ նիստը հետաձգվել է դատախազի՝ արձակուրդում լինելու պատճառով, ինչի վերաբերյալ նա դիմում է ներկայացրել։
Ֆերոյանը տեղեկացրել է, որ հաջորդ դատական նիստը տեղի կունենա սեպտեմբերի 11-ին։ Կարապետյանը կալանավորվել էր 2025-ի հունիսին՝ Հայ Առաքելական եկեղեցուն աջակցություն հայտնելուց և իշխանությունների գործողությունները քննադատելուց հետո։ Նրան մեղադրանք էր առաջադրվել իշխանությունը զավթելու հրապարակային կոչերի համար։ Ներկայում Կարապետյանը տնային կալանքի տակ է։
