Ռուսաստանի նախագահ Վլադիմիր Պուտինը հայտարարել է, որ այսօրվա դրությամբ չկա որևէ սցենար, որը կարող է պահանջել լրացուցիչ զորահավաք։
«Այսօր չկա որևէ սցենար, որը կպահանջեր զորահավաք։ Սա հակառակորդի կողմից Ռուսաստանի դեմ իրականացվող տեղեկատվական հարձակում է՝ Պետդումայի ընտրություններից առաջ, որի նպատակն է ազդել ընտրությունների արդյունքների վրա։ Սա պարզապես ծրագրված տեղեկատվական գործողություն է», — ասել է Պուտինը՝ Արևելյան տնտեսական համաժողովի լիագումար նիստում։
Պուտինը նշել է, որ Ռուսաստանում մարդիկ հատուկ ռազմական գործողությանը մասնակցելու համար կամավոր են մեկնում և կամավոր են պայմանագրեր կնքում։