168.am-ը գրում է.
ՀՀ կառավարությունն այսօրվա նիստի ժամանակ հավանություն տվեց Հայաստանի և ՕՊԵԿ-ի (Նավթ արտահանող երկրների կազմակերպություն) Միջազգային զարգացման հիմնադրամի միջև «Հայաստանի տնտեսական վերափոխման ծրագիր» վարկային համաձայնագիրը հաստատելու մասին» ՀՀ նախագահի հրամանագրի նախագծին:
Վարկային համաձայնագիրը ստորագրվել է այս տարվա հուլիսին և ընդհանուր արժեքը կազմում է 80 մլն եվրո:
Համաձայնագրով նախատեսված բարեփոխումների շրջանակը ներառում է ներդրումային և մաքսային բարեփոխումներ, տնտեսական մրցակցության պաշտպանություն, թվայնացում և կիբեռանվտանգություն, կլիմայական օրենսդրություն, արտանետումների կառավարում, օդի որակի վերահսկողություն և այլն։
Վարկի տարեկան տոկոսադրույք լողացող է, վարկի մարման ժամկետը` 18 տարի, որից արտոնյալը՝ 5 տարի, մայր գումարի մարումն իրականացվելու է 2031թ. հուլիսի 15-ից մինչև 2044թ. հունվարի 15-ը։
Ըստ համաձայնագրի` վարկային միջոցները պետք է օգտագործվեն մինչև այս տարվա սեպտեմբերի 30-ը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: