Քուչակ-Ապարան ճանապարհին տեղի ունեցած վթարից տուժածների թիվը հասել է 11-ի, նրանց թվում 17-ամյա դեռահաս կա, հայտնում է News.am-ը՝ հղում անելով Ապարանի բժշկական կենտրոնին։
Ավելի վաղ ՀՀ առողջապահության նախարարությունը հայտնել էր Արագածոտնի մարզի բժշկական կենտրոններ 10 տուժածի հոսպիտալացման մասին։ Նրանցից երկուսի առողջական վիճակը գնահատվում է կայուն ծանր, մյուսներինը՝ միջին և թեթև ծանրության։
News.am-ի տվյալներով՝ վարորդներից մեկին տեղափոխել են Երևան, ևս մեկ տուժածի պատրաստվում են տեղափոխել մայրաքաղաք։
ՆԳՆ Փրկարար ծառայության նախնական տվյալներով՝ վթարի հետևանքով հինգ մարդ է զոհվել։
