ԱՄՆ ֆինանսների նախարար Սքոթ Բեսենթը հայտարարել է, որ ռուսական էներգետիկ ենթակառուցվածքների և նավթավերամշակման օբյեկտների դեմ Ուկրաինայի հարվածները նպաստում են համաշխարհային շուկայում վառելիքի գների աճին։
Ամերիկյան լրատվամիջոցներին տված հարցազրույցում Բեսենթը նշել է, որ աշխարհը ներկայումս բախվում է էներգետիկ ճգնաժամի, որի վրա ազդում են ինչպես ռուս-ուկրաինական պատերազմը, այնպես էլ Ուկրաինայի գործողությունները ռուսական էներգետիկ օբյեկտների դեմ։
Նրա խոսքով՝ ռուսական էներգետիկ ենթակառուցվածքի թիրախավորումը ճնշում է ստեղծում համաշխարհային վառելիքի գների վրա։
Բեսենթը որպես էներգետիկ շուկայի վրա ազդող մեկ այլ գործոն նշել է նաև Իրանի շուրջ հակամարտությունը՝ ընդգծելով, որ միաժամանակ մի քանի աշխարհաքաղաքական ճգնաժամեր շարունակում են ազդեցություն ունենալ վառելիքի համաշխարհային շուկայի վրա։