Եվս մեկ «պետություն» խնդրում է Ուկրաինային չհարձակվել Ռուսաստանի վրա «որոշակի ժամանակ», այս մասին հայտարարել է Ուկրաինայի նախագահ Զելենսկին։
Իր երեկոյան ելույթում Զելենսկին նշել է, որ Միացյալ Նահանգները խնդրել է չհարձակվել Մոսկվայի և Սանկտ Պետերբուրգի վրա օգոստոսի 25-27-ը, մինչդեռ մեկ այլ պետություն, որի անունը նախագահը չի բացահայտել, խնդրում է չհարվածել Վլադիվոստոկի ուղղությամբ (Ճապոնական ծովի ափին)։
«Երբ մեկ այլ համաշխարհային տերություն մեզ դիմեց Վլադիվոստոկի ուղղությամբ հարվածները որոշակի ժամանակով դադարեցնելու խնդրանքով, մենք դա նույնպես կապահովենք։ Այժմ Մոսկվայում նոր հանդիպումներ են նախապատրաստվում. մենք դա հաշվի կառնենք»,-հայտարարել է Ուկրաինայի առաջնորդը։
«Մենք միշտ աջակցում ենք խաղաղության ուղղությամբ ձեռնարկվող յուրաքանչյուր քայլին, որպեսզի Ռուսաստանը այս պատերազմը չդարձնի անվերջ։ Պատերազմին վերջ դնելը անհրաժեշտ է, և առաջնորդները ճիշտ են ասում Պուտինին։ Հետևաբար, դիվանագիտության, բանակցությունների համար, երբ մեր գործընկերները դիմեն մեզ այս հարցով, մենք կապահովենք, որ Ռուսաստանի երկինքը որոշակի ժամանակահատվածում և որոշակի ուղղություններով մաքրվի անօդաչու թռչող սարքերից։ Ռուսաստանի երկնքում անվտանգությունը կվերադառնա։ Այն կվերադառնա, երբ սկսվի խաղաղության ուղղությամբ իրական առաջընթացը։ Ռուսաստանի երկինքը այժմ նախատեսված է անօդաչու թռչող սարքերի, այլ ոչ թե քաղաքացիական ավիացիայի համար, քանի դեռ պատերազմը շարունակվում է, կարևոր է, որ աշխարհը նպաստի դրա ավարտին»,- հավելել է նա։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: