ՀՀ վարչապետ Նիկոլ Փաշինյանը հայտնել է, որ «շատ լավ հանդիպում» է ունեցել Ռուսաստանի նախագահ Վլադիմիր Պուտինի հետ։
«Պայմանավորվեցինք անկեղծ և կառուցողական խոսակցությունը շարունակել Մոսկվա կատարելիք իմ առաջիկա այցի ընթացքում»,- նշել է Փաշինյանը։
Նրա խոսքով՝ Հայաստանի և Ռուսաստանի հարաբերությունները երկու երկրների համար չափազանց կարևոր են, և կողմերը խնամքով են վերաբերվում դրանց։
Միաժամանակ՝ Փաշինյանը նշել է, որ նոր միջավայրում և պայմաններում անհրաժեշտություն կա վերաձևակերպելու այդ հարաբերությունները։ Նրա համոզմամբ՝ դրա արդյունքում դրանք «ավելի ջերմ և կառուցողական կլինեն»։