Մոսկվան շարունակում է համագործակցել Երևանի հետ՝ կատարելով իր բոլոր պարտավորությունները։ Այս մասին «Вести»-ին տված մեկնաբանությունում հայտարարել է ՌԴ տրանսպորտի նախարար Անդրեյ Նիկիտինը։
«Մենք աշխատում ենք ՀՀ-ի հետ այնպես, ինչպես աշխատել ենք նախկինում՝ կատարելով մեր բոլոր պարտավորությունները։ Ինչ-որ հայտարարություններ նրանք պարբերաբար անում են։ Մենք ամեն ինչ իրականացնում ենք օրենքին համապատասխան»,- նշել է նա։
Պատասխանելով այն հարցին, թե հնարավոր է արդյոք ՀՀ-ն հրաժարվի ՌԴ-ի հետ երկաթուղային հաղորդակցության ոլորտում համագործակցությունից՝ Նիկիտինը ընդգծել է․
«Նրանք պաշտոնապես ոչնչից չեն հրաժարվում։ Անընդհատ ինչ-որ հայտարարություններ են անում, բայց որևէ հրաժարում չկա․ մենք աշխատում ենք այնպես, ինչպես աշխատել ենք»։