ԱՄՆ–ն Ուկրաինայում գտնվող ամերիկացիներին առավելագույն զգուշության կոչ է արել

ԱՄՆ արտաքին քաղաքական գերատեսչությունը զգուշացում է տարածել Ուկրաինայի տարածքում գտնվող ԱՄՆ քաղաքացիների համար՝ խորհուրդ տալով ցուցաբերել առավելագույն զգուշավորություն, ինչը պայմանավորված է քաղաքական անկայունության հնարավոր ռիսկերով և հավանական զանգվածային հուզումներով։

«Հասարակական անկարգություններ․ գոյություն ունի քաղաքական, տնտեսական, կրոնական և/կամ էթնիկական անկայունություն, որը կարող է հանգեցնել բռնության, աշխատանքի լուրջ խափանումների և/կամ անվտանգության սպառնալիքների», – ասվում է գերատեսչության կայքում։