Պատմաբան Արեգ Սավգուլյանի ֆեյսբուքյան գրառումը. «29 ամյա դատավոր Սերժ Ռուշանյանը ուսանել է Ժան-Մուլեն Լիոն 3, Սորբոնի, Քեմբրիջի համալսարաններում՝ մասնագիտանալով Քրեական իրավունք և քրեագիտություն, Մարդու իրավունքների, Միջազգային հանրային իրավունք, Իրավունքի փիլիսոփայության իրավագիտական խուճուճ ոլորտներում։ (Նախանձելի և գովելի):
Եվ, բնականաբար, ինքնահայեցման թխպամած մտորումներում նա հիշեց իր գիտակրթական մարտական ուղին և որոշեց «Սողոմոն Իմաստունին» բնորոշ օլոմբա և խորախորհուրդ որոշում կայացնել, որից բազմամիլիոնանոց իրավահպատակները պետք է կրոնական մոլեռանդության ցնցումների տրվեին և նրա պատվին խնկարկումներ և հերոսապատումներ ձոնեին։
Մոնսինյոր Սերժ Ռուշանին դատական նիստը փակելուց առաջ դատական կարգադրիչների հետ միասին ձեռքները խաչած շրջվեցին դեպի արևմուտք և խոռով միաբերան կրկնեցին. «Հրաժարվում ենք սատանայից և նրա ամբողջ խաբեությունից, նրա պատրանքներից, խորհուրդներից, ընթացքից, նրա չար կամքից, չար հրեշտակներից, չար սպասավորներից, չար կամարարներից և նրա ամբողջ չար զորությունից հրաժարվելով հրաժարվում ենք»։
Տեսարանը զգայացունց էր և փշաքաղվելու աստիճանի խորհրդավոր, այդ ամենի հետո դատավորը ծոցախոռոչից դուրս բերեց մի մագաղաթի կտոր, որը վերնագրված էր «Խուսանավման կոնդակ ի փրկություն Պաշտոնս դատավորաց և հեռու շառից ու փորձանքից միմամիտ մեղավորաց» և գործն ուղարկեց Երևան՝ բարբաջելով որ ինքը հրաժարվում է բայց չի նահանջում, պահանջում է, բայց չի բարձարաձայնում, շնչում է արդարության ոգով, սակայն շղթայված է վերադասի ցուցումների սարդոստայնով, իսկ խիղճը կապարակնքված է ապագայի նկատմամբ անորոշ տեսլականով։
Հ.Գ. Դատավորներ դուք էլ եք հոգևորականների նման սև սքեմ հագնում թեև դա մանտիա է կոչվում գոնե «համազգեստի» նկատմամբ սոլիդարութուն դրսևորեք և կարճեք այս անիմաստ գործը, այլապես կհայտնվեք պատմության դատաստանի լուսանցքում»: