Հայաստանում առաջին կիսամյակում արձանագրված 6,7% տնտեսական աճը չարժե գերագնահատել։ Այս մասին մամուլի ասուլիսի ժամանակ հայտարարել է տնտեսագետ Աղասի Թավադյանը։
Նրա խոսքով՝ տնտեսական աճը հիմնականում պայմանավորված է արտաքին աղբյուրներով և ֆինանսական համակարգի ակտիվությամբ։
Միաժամանակ տնտեսագետը ուշադրություն է հրավիրել Հայաստանի համար ռազմավարական նշանակություն ունեցող գյուղատնտեսության ոլորտում արձանագրված լուրջ՝ 15,5% անկման վրա։
Թավադյանի գնահատմամբ՝ այս ցուցանիշը ավելի լուրջ ռիսկեր է ստեղծում տնտեսության համար։ Նա նշել է, որ գյուղատնտեսության ոլորտում անկումն ավելի է արագացել Հայաստանից Ռուսաստան գյուղատնտեսական արտադրանքի մատակարարումների նկատմամբ ռուսական սահմանափակումներից հետո։