ԱՄՆ ֆինանսների նախարար Սքոթ Բեսենթը հայտարարել է, որ ԱՄՆ-ի կողմից իրանական նավահանգիստների ռազմածովային շրջափակումը կշարունակի թուլացնել Իրանի տնտեսությունը։
«Արմենպրես»-ի փոխանցմամբ՝ այս մասին նա նշել է X հարթակում գրառման մեջ։«Շրջափակումը և «Տնտեսական վտարանդի» գործողությունը կջախջախեն Իրանի փլուզվող տնտեսությունը։ ԱՄՆ-ի ուղեկցությամբ վերջին 14 օրվա ընթացքում դուրս է բերել 130 միլիոն բարել նավթ։ Իրանի կողմից՝ 0», – նշել է նա։Իր հերթին, IRNA լրատվական գործակալության հետ հարցազրույցում Իրանի խորհրդարանի փոխխոսնակ Ալի Նիկզադին նշել է, որ 15 հարևան ունեցող, բաց ջրերին հասանելիություն ունեցող, Պարսից ծոցում և Օմանի ծովում ռազմավարական դիրք ունեցող և Արևելյան ու Արևմտյան Ասիայի հետ ամուր կապեր ունեցող երկիրը չի կարող հեշտությամբ մեկուսացվել։
Նրա խոսքով՝ ձեռնարկված միջոցառումների շնորհիվ անհրաժեշտ ապրանքների և էներգակիրների հոսքը շարունակվել է, և երկիրը խուսափել է կենսական ոլորտներում վակուումից կամ անկայունությունից՝ չնայած անվտանգության սպառնալիքներին և կրկնակի տնտեսական ճնշումներին։ ԱՄՆ-ն օգոստոսի 24-ին Իրանի դեմ մեկնարկել է «Տնտեսական վտարանդի» գործողությունը։ Ըստ ԱՄՆ ֆինանսների նախարար Սքոթ Բեսենթի՝ տնտեսական ճնշման արշավի ընթացքում Վաշինգտոնը կարգելափակի Իրանի ֆինանսավորման բոլոր աղբյուրները։ ԱՄՆ-ում նաև նախազգուշացրել են, որ կարող են երկրորդային պատժամիջոցներ սահմանել բոլոր երկրների նկատմամբ, որոնք կօգնեն Իրանին։
Կարդացել են
անգամ