Դոմինիկյան Հանրապետության դրոշի ներքո նավարկող առևտրային նավը խորտակվել է Սև ծովում գտնվող Ռումինիայի բացառիկ տնտեսական գոտում՝ հրդեհի բռնկման հետևանքով։ Agerpres լրատվական գործակալության փոխանցմամբ՝ նավի վրա գտնվող բոլոր 12 մարդիկ փրկվել են։
«Մոտավորապես ժամը 19:00-ին (Երևանի ժամանակով՝ 20:00) Ափամերձ պահպանության սահմանային ոստիկանության աշխատակիցները Կոնստանցայի ծովային փրկարարական համակարգման կենտրոնից հաղորդագրություն են ստացել Ռումինիայի բացառիկ տնտեսական գոտում գտնվող առևտրային նավի վրա հրդեհի մասին, որը գտնվում է Սֆանտուլ Գեորգեից մոտավորապես 20 ծովային մղոն հարավ-արևելք», – հայտնել է Ափամերձ պահպանությունը։
«Փրկարարական գործողություններից հետո առևտրային նավի վրա գտնվող բոլոր 12 մարդիկ փրկվել են մինչև ժամը 21:00-ն», – ասվում է հայտարարության մեջ։
Ռումինիայի նախագահ Նիկուսոր Դանը, որը գտնվում է Մոլդովայում՝ երկրի անկախության 35-ամյակի տոնակատարության կապակցությամբ, Քիշնևում կայացած մամուլի ասուլիսում հայտարարել է, որ նավը հարվածվել է, բայց չի նշել, թե ով է հարվածել դրան։ «Կանցկացվի հետաքննություն», – ասել է նա։