Կառավարությունը որոշել է 1,174.7 մլն դրամի ներքին վերաբաշխում կատարել՝ Հյուսիս-հարավ ճանապարհային միջանցքի և Տարածքային կառավարման և ենթակառուցվածքների նախարարության կողմից իրականացվող այլ ծրագրերի բնականոն ընթացքն ապահովելու համար։
Ֆինանսական միջոցներ կհատկացվեն հետևյալ ծրագրերի համար.
- Աշտարակ–Թալին 42 կմ ճանապարհահատվածի վերակառուցման ծրագիր՝ կապալառուի հետավարտական գումարի 5 տոկոս մնացորդի վճարումներ,
- Լանջիկ-Գյումրի 23 կմ ճանապարհահատվածի վերակառուցման ծրագիր՝ տեխնիկական հսկողի ծառայությունների դիմաց վճարումներ ,
- Քաջարան-Ագարակ 32 կմ ճանապարհահատվածի վերակառուցման ծրագիր՝ հանրության գերակա շահ ճանաչված հողամասերի սեփականատերերին փոխհատուցումների տրամադրում,
- Քաջարանի 7 կմ թունելի կառուցման ծրագիր՝ 2025թ. կատարված և վերականգնման ենթակա ծախսերի փոխհատուցում,
- Մ6 Վանաձոր-Ալավերդի-ՀՀ սահման միջպետական նշանակության ճանապարհի վերակառուցման ծրագիր 35 մլն դրամ Մ6 ճանապարհի վերականգնման, Դիլիջանի և Պուշկինի թունելների նախագծման աշխատանքների համար մնացորդային գումարի վճարում։
Անդրադառնալով որոշմանը՝ Նիկոլ Փաշինյանը նշել է. «Ուրախ եմ արձանագրել, որ Քաջարան-Ագարակ հատվածի շինարարությունը շատ լավ տեմպերով ընթանում է։ Նաև քաջարանի թունելի աշխատանքներն են լավ տեմպերով ընթանում, և ընդհանուր տարածաշրջանային և միջազգային զարգացումների տրամաբանությամբ շատ պատեհ է և շատ տեղին է այս նախագծերի իրականացումը»։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter