Վարչապետ Նիկոլ Փաշինյանի խոսքով՝ Հայաստանում կան մարդիկ, որոնք Երևանից և դրա մերձակայքից զատ, չեն եղել այլ վայրերում․
«Սա կարևոր նրբություն է, որը կապ ունի պետության և իրական Հայաստանի գաղափարախոսության հետ, քանի որ եթե իր երկիրը մարդն իրականում չի տեսել… Սա զգացողության շատ կարևոր փոփոխություն է, և մենք պետք է խրախուսենք, որ մարդիկ ասեն՝ գուցե այսօր գնանք Կապան և այլ վայրեր»: Նա հավելել է, որ հատկապես այսօր սարսափազդու բաներ են խոսում Կիրանցի մասին, այնինչ կարող են գնալ ու տեսնել․
«Գնան Կիրանց, տեսնեն՝ մարդիկ սարսափազդու՞ պայմաններում են ապրում, թե՞ ոչ»: Նա հարցադրել է՝ ինչո՞ւ ենք անընդհատ երազում արտասահմանյան վայրերի մասին, երբ Հայաստանը չենք տեսել․
«Մեր հեռուստատեսությամբ Հայաստանը ցույց չեն տալիս, ոչ էլ մեր գրքերում է գրված։ Մենք Հայաստանը ցույց չենք տալիս, ցույց ենք տալիս պատմության մեր ընկալումները»,- ասել է վարչապետը։