Արեգակի ակտիվությունը վերջին ժամերին զգալիորեն աճել է, և գիտնականները նշում են, որ Երկրի վրա հնարավոր ազդեցության ռիսկերը հասել են վերջին ամիսների ամենաբարձր մակարդակին։ Արեգակի տեսանելի սկավառակի կենտրոնում գտնվող ակտիվ №4513 շրջանը մի քանի ժամվա ընթացքում առաջացրել է M դասի երեք հզոր բռնկում։
Մասնագետները շեշտում են, որ X դասի՝ ամենահզոր բռնկումներ դեռևս չեն գրանցվել, ուստի իրավիճակը պատմական չէ։ Սակայն այսօրվա դիտարկումները վճռորոշ կլինեն՝ պարզելու համար՝ արդյոք Արեգակի ակտիվության այս աճը կարճատև է, թե կշարունակի ուժեղանալ։ Հիշեցնենք, որ M դասի բռնկումները կարող են խաթարել ռադիոկապը, իսկ ուժեղ պլազմային արտանետումների դեպքում՝ առաջացնել գեոմագնիսական փոթորիկներ, որոնք ազդում են արբանյակների և կապի համակարգերի աշխատանքի վրա։