Չինաստանի հարավում «Նառա» թայֆունի հետևանքով հորդառատ անձրևները խոշոր ջրհեղեղների են վերածվել։ Գուանսի շրջանում տասնյակ հազարավոր մարդիկ ստիպված են եղել լքել իրենց տները։ Չունցզո քաղաքում ջրի մակարդակը գերազանցել է 2008 թվականի ռեկորդը։ Տարհանվել է ավելի քան 15 հազար մարդ, իսկ Գուանսիում, ընդհանուր առմամբ, անվտանգ վայր է տեղափոխվել շուրջ 54 հազար մարդ։
Միաժամանակ, «Սաուդել» թայֆունը շարժվում է դեպի Ճապոնիայի հարավ և Թայվանի հյուսիս։ Թայվանում մեկ մարդ մահացել է, չորսը՝ անհետ կորել մեկ այլ եղանակային համակարգի հետևանքով առաջացած ջրհեղեղների պատճառով։