Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Օգոստոսի 24-ին Սիսիանի զորամասերից մեկում պայմանագրային զինծառայողի մահվան դեպք է արձանագրվել։
«Հրապարակ»-ի տեղեկություններով՝ զորամասի տարածքում հայտնաբերվել է պայմանագրային զինծառայողի դին։ Նախնական վարկածով՝ զինծառայողը ինքնասպանություն է գործել։
Պարբերականի փոխանցմամբ՝ դեպքը տեղի է ունեցել կեսօրի սահմաններում։ Զինծառայողի մահվան հանգամանքներն այս պահին ամբողջությամբ հայտնի չեն։
Քննչական համակարգից աղբյուրը հաստատել է զինծառայողի մահվան փաստը, սակայն դեպքի վերաբերյալ պաշտոնական մանրամասներ դեռևս չեն հրապարակվել։
Ըստ «Հրապարակ»-ի՝ զինծառայողը Սիսիանի բնակիչ էր, ամուսնացած էր, իսկ նրա կինը հղի է։ Նա ընտանիքի հետ Սիսիանում նաև փոքր բիզնես էր վարում։
Թե ինչ հանգամանքներում և ինչ պատճառներով է տեղի ունեցել ողբերգական դեպքը, դեռևս պարզ չէ։ Իրավապահները համապատասխան քննություն են իրականացնում։
Past.am-ը կհետևի դեպքի վերաբերյալ պաշտոնական տեղեկատվությանն ու նոր մանրամասներին։
Հետևեք մեզ՝ այստեղ