«Մթնշաղ» սագայի աստղ Թեյլոր Լոթներն ու կինը՝ Թեյը, իրենց տան բակում գեղեցիկ խնջույքով նշել են ապագա դստեր լույս աշխարհ գալը։ Սպասվելիք համալրմանն ընդառաջ կազմակերպված միջոցառման կադրերը դերասանի կինը հրապարակել է սոցցանցերում։
Խնջույքն անցել է դասական թեյախմության էսթետիկայով՝ զարդարված նուրբ ծաղիկներով, սպիտակ ու վարդագույն փուչիկներով և «Փոքրիկ արքայադուստրն արդեն ճանապարհին է» գրությամբ։ Ապագա ծնողները ևս ընտրել էին թեմատիկ հանդերձանք․ Թեյլորը ներկայացել է բաց երանգի վուշե վերնաշապիկով, իսկ կինը՝ նուրբ վարդագույն զգեստով։