Պեկինում մեկնարկել են մարդանման ռոբոտների հնգօրյա Համաշխարհային խաղերը։ Չինաստանն այս ոլորտում աննախադեպ առաջընթաց է գրանցել՝ նախագահ Սի Ծինփինի աջակցությամբ ռոբոտաշինությունը վերածելով ռազմավարական առաջնահերթության և ազգային հպարտության:
Ոլորտի թռիչքաձև զարգացումն ակնհայտ դարձավ 2026-ին, երբ Honor չինական ընկերության «Flash» ռոբոտը կիսամարաթոնն ինքնավար կերպով վազեց 50 րոպե 26 վայրկյանում՝ գրեթե 7 րոպեով գերազանցելով մարդկանց համաշխարհային ռեկորդը:
Այս տարվա խաղերում գլխավոր նորամուծությունը ռոբոտների ձեռքերի ճշգրտության ստուգումն է՝ պտուտակներ ձգելու, շշեր բացելու և նրբունելիքներ բռնելու միջոցով: Փորձագետների կարծիքով՝ սա ամենաբարդ ինժեներական մարտահրավերն է ռոբոտներին իրական աշխատանքում կիրառելու համար։