Ուկրաինան հենց առաջին պետություններից էր, որը փաստացի ողջունել է Արցախում տեղի ունեցած էթնիկ զտումը և Արցախի հայաթափումը։ Այս մասին Ազգային ժողովում հայտարարել է «Ուժեղ Հայաստան» խմբակցության պատգամավոր Արեգա Հովսեփյանը՝ անդրադառնալով վերջին տարիներին Ուկրաինայի կողմից վարվող քաղաքականությանն ու Հայաստանի հանդեպ դիրքորոշմանը։
«Ուկրաինան առաջիններից էր, որ սկսել է համագործակցել Արցախում Ադրբեջանի հետ որոշակի ծրագրեր իրականացնելուն»,-նշել է Հովսեփյանը։