Financial Times-ի տվյալներով՝ կորպորատիվ հաճախորդներն ավելի ակտիվորեն փորձարկում են ավելի էժան չինական Moonshot և DeepSeek մոդելները, քանի որ արհեստական բանականության ծախսերն աճում են, իսկ որոշ ընկերություններ ֆիքսված բաժանորդագրություններից անցնում են հաշվողական ռեսուրսների փաստացի օգտագործման դիմաց վճարման։
Silicon Data-ի ինդեքսի համաձայն՝ առաջատար ամերիկյան լաբորատորիաների մոդելների օգտագործման միջին արժեքը հուլիսի կեսերից նվազել է գրեթե մեկ քառորդով։
OpenAI-ն հուլիսի վերջին GPT-5.6 Luna-ի գինը նվազեցրել է 80%-ով․ այժմ մեկ միլիոն մուտքային թոքենն արժե 0,20 դոլար, իսկ ելքայինը՝ 1,20 դոլար։
Միաժամանակ Anthropic-ը թողարկել է Claude Opus 5-ը՝ մեկ միլիոն մուտքային թոքենի համար 5 դոլար, իսկ ելքայինի համար՝ 25 դոլար գնով։ Սա երկու անգամ ավելի էժան է, քան ընկերության ավելի հզոր Fable 5 մոդելը։
Ամերիկյան ընկերությունները հիմնականում էժանացնում են իրենց ավելի ունիվերսալ և ճկուն միջին դասի մոդելները՝ միաժամանակ փորձելով պահպանել ամենահզոր համակարգերի բարձր գները, որոնք, ըստ նյութի, դեռևս որոշ առումներով գերազանցում են չինական արհեստական բանականության մոդելներին։