Իրանը պետք է պատրաստ լինի առճակատման, որպեսզի ԱՄՆ-ի հետ ցանկացած շփում և բանակցություն արդյունավետ լինի։
Այս մասին հայտարարել է Իրանի խորհրդարանի խոսնակ Մոհամմադ Բաղեր Ղալիբաֆը «Tasnim» լրատվական գործակալությանը տված հարցազրույցում։
Ղալիբաֆը հայտարարել է, որ ԱՄՆ-ի հետ բանակցությունները արդյունք չեն տա, եթե Իրանը պատրաստ չլինի պատերազմի։ Նա այժմ այցելում է Իրաք։
Իրանի խորհրդարանի խոսնակը պնդում է, որ տարածաշրջանում անկայունության և առևտրային ուղիների բնականոն գործունեության խաթարման հիմնական պատճառը ԱՄՆ-ն է և նրա սկսած պատերազմը։
Ղալիբաֆը նաև հայտարարել է, որ ԱՄՆ-ն ներկայումս գտնվում է «կաթվածահար վիճակում» և կկորցնի իր հեղինակությունը՝ անկախ նրանից, դուրս կգա պատերազմից, թե կշարունակի այն։