Արփոն, փաստորեն, անգրագետ է. լիմնելով ԱԺ պատգամավոր՝ նա գաղափար անգամ չունի Ժնևի կոնվենցիաների մասին: Նույն Ադրբեջանի կողմից վավերացված Ժնևի 3-րդ կոնվենցիան հստակ պարտավորեցնում է ռազմագերիներին ազատ արձակել և հայրենադարձել անմիջապես ակտիվ ռազմական գործողությունների ավարտից հետո, և թերևս հենց այս պատճառով է,որ Ադրբեջանն իր մոտ պահվող հայերին չի համարում գերիներ, այլ ռազմական հանցագործներ է հռչակում, որպեսզի չստացվի, որ ընդունելով 3-րդ կոնվենցիան՝ դրան դեմ է գործում:
Հարց է առաջանում՝ Արփոն չի՞ հիշում, թե ինչպես էր 2021-ին Նիկոլը շատ կարճ ժամանակ խնդրում մարդկանցից՝ բոլոր գերիներին վերադարձնելու, 10 տարվա մասին խոսք գնո՞ւմ էր այն ժամամակ: Միամիտներն էլ լսել էին ու հավատացել. ի՞նչ իմանային, որ Արփոն 10 տարվա մասին է խոսելու՝ փորձելով լեգիտիմացնել իշխանությունների անգործությունը:
Նման հայտարարություններ ՔՊ-ականները հիմա են անում, քանի որ ընտրություններն այլևս անցյալում են ու իշխանություն կորցնելու վտանգը, ինչպես նրանք են կարծում, մնացել է հետևում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: