«Մայր Հայաստան» կուսակցության վարչության անդամ, 8-րդ գումարման Ազգային ժողովի «Հայաստան» խմբակցության նախկին պատգամավոր Արեգնազ Մանուկյանի դստերը թույլատրել են տեսակցել մայրիկին, հայտնել է փաստաբան Տաթևիկ Սողոյանը։
Փաստաբանը նշել է, որ այսօր երեխայի ծննդյան օրն է, և որոշումը քննիչը կայացրել է այսօր՝ Մանուկյանին անչափահաս երեխայի հետ տեսակցելու արգելքի շուրջ վերջին օրերի բարձրացրած աղմուկից հետո։
Տեսակցության թույլտվության մասին Ազգային ժողովում հայտարարել է նաև ԱԺ փոխնախագահ Վահագն Ալեքսանյանը։
Փաստաբանը հավելել է, որ տեսակցությունը դեռ տեղի չի ունեցել, տեսակցության մասին Մանուկյանն էլ տեղյակ չէ:
Մանուկյանին կալանավորել են «Մայր Հայաստան» կուսակցության ղեկավար Անդրանիկ Թևանյանի գործով։ Քննչական կոմիտեն մայիսի 21-ին հայտնել էր Թևանյանի նկատմամբ պետական դավաճանության և լրտեսության փաստով քրվարույթ նախաձեռնելու մասին, մայիսի 23-ին Թևանյանը ձեռրբակալվել էր ու կալանավորվել 2 ամսով։ Հուլիսի 22-ին նրա կալանքի ժամկետը երկարաձգվել էր ևս երկու ամսով:
Հուլիսի 9-ին Մանուկյանին երկու ամսով կալանավորվել էր պետական գաղտնիք պարունակող տեղեկություններ հրապարակելու մեղադրանքով, իսկ հուլիսի 20-ին նրա պաշտպանները բողոքարկել էին կալանքի որոշումը։
