Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Գերմանիայի մայրաքաղաք Բեռլինում բարձրահարկ շենքում բռնկված հրդեհի ժամանակ կինն անհավանական կերպով փրկվել է՝ շենքի արտաքին եզրից ցատկելով հրշեջի գիրկը։
Ինչպես հայտնում է Past.am-ը, հրդեհը բռնկվել է շենքի 11-րդ հարկում և կարճ ժամանակում սկսել է տարածվել դեպի վերև։ Կրակից փրկվելու համար բնակիչներից մեկը դուրս է եկել շենքի արտաքին եզրին՝ հայտնվելով ծայրահեղ վտանգավոր իրավիճակում։
Դեպքի վայր ժամանած հրշեջները փորձել են կնոջը անվտանգ տեղափոխել։ Նրա մոտ բարձրացվել է հրդեհային աստիճան, որի վրա գտնվող փրկարարը պատրաստ է եղել բռնել կնոջը, եթե նա ցատկեր։
Ի վերջո, կինը ստիպված է եղել ցատկել հրշեջի ուղղությամբ։ Նա ընկել է ընդամենը մոտ երկու հարկի բարձրությունից և հայտնվել փրկարարի գրկում։ Փրկարարական գործողությունը տեսագրվել է։
Կինը թեթև վնասվածքներ է ստացել և տեղափոխվել հիվանդանոց։ Նախնական տվյալներով՝ հրդեհի հետևանքով ընդհանուր առմամբ 115 մարդ է տուժել։
Հրդեհը մարելու աշխատանքներին ներգրավվել են 18 հրշեջ մեքենա, երկու օդային սանդուղքով մեքենա և շտապօգնության ինը անձնակազմ։
Հրդեհի բռնկման պատճառը դեռևս հայտնի չէ։ Իրավապահներն ու համապատասխան ծառայությունները շարունակում են պարզել միջադեպի հանգամանքները։
Հետևեք մեզ՝ այստեղ