«Դուք՝ որպես քաղաքական ուժ, ընկալվում եք որպես պրոռուսական»,- դիմելով «Ուժեղ Հայաստան»-ից Արեգա Հովսեփյանին՝ ասաց ՔՊ-ական Ծովինար Վարդանյանը: «Երբ որոշեցիք ընտրել այս հանձնաժողովն ու առաջադրվել, ակնհայտորեն, ձեր պրոռուսական համբավը չի սպասարկում ՀՀ լավագույն շահը՝ էդ հանձնաժողովը վերցնելով, հետևաբար՝ ո՞ւմ շահն եք պատրաստվում սպասարկել՝ ստանձնելով այդ հանձնաժողովի նախագահի պաշտոնը»,- շարունակեց ՔՊ-ականը: Հովսեփյանն արձագանքեց. «Կառաջարկեի խուսափել պիտակավորումներից՝ պրոռուսական համբավ և այլն. եթե մենք սկսենք խոսել ձեր համբավից, լավ տեղ չի հասնելու: Պետք չի արտաքին քաղաքականությունը ձևավորել հակադրությունների վրա»:
Քննարկվում է ԱԺ եվրոպական ինտեգրման հարցերի մշտական հանձնաժողովի նախագահի ընտրության հարցը։ «Ուժեղ Հայաստան» խմբակցությունը նշված հանձնաժողովի նախագահի պաշտոնում ընտրելու համար առաջադրել է Արեգա Հովսեփյանի թեկնածությունը։