Խաղաղության կոչը վտանգավոր Է Ռուսաստանում
Երբ Ռուսաստանում որևԷ կուսակցություն զրկվում Է ընտրություններին մասնակցելու իրավունքից, ուրեմն օրվա հրատապ հարցի վերաբերյալ զայրացրել Է Կրեմլի ղեկավարին: Թե որն Է այդ հարցը՝ գիտեն բոլոր ռուսաստանցիները: Հիմա չկա պատերազմից ավելի կարևոր թեմա:
Ռուսաստանում գործում են եղբայրասպան պատերազմի դեմ պայքարող ուժեր: Շատ չեն, բայց կան: Քաղաքական լուրջ պատմություն ունեցող կառույցը, որը միանշանակ պահանջում Է խաղաղություն հաստատել՝ «Յաբլոկոն» Է:
Օգոստոսի 10-ին Գերագույն դատարանը քննել Է «Յաբլոկոն» ընտրացուցակից հանելու «Ռոդինա» կուսակցության օգոստոսի 7-ի հայտն ու բավարարել Է այն:
Գրանցված ևս մի քանի ուժեր պնդել են, թե, իբր, «պատերազմը դադարեցնելու կոչն այսօր հավասարազոր Է Ուկրաինայի նացիստական ղեկավարությանը սատարելու կոչին» և պահանջել են արգելել դրա մասնակցությունը սեպտեմբերի 18-ից 20-ը կայանալիք Պետական դումայի ընտրություններին:
Դատարանն ուժի մեջ Է թողել որոշումը
«Յաբլոկոն» բողոքարկել Է վճիռը, բայց այսօր Գերագույն դատարանն այն վերահաստատել Է, մերժելով «Յաբլոկոյի» բոլոր հայտերը և մասնակի մերժելով նաև վճռի ձևակերպումից դժգոհ «Ռոդինայի» մեկ հայտը:
«Ռուսաստանի Գերագույն դատարանի վերաքննիչ կոլեգիան որոշել Է ուժի մեջ թողնել Ռուսաստանի Գերագույն դատարանի 2026 թվականի օգոստոսի 10-ի որոշումը և մերժել «Ռոդինա» կուսակցության և «Յաբլոկո» կուսակցության վերաքննիչ բողոքները։ Ստորագրված է բոլոր դատավորների կողմից»,- հայտարարել Է դատավոր Իգոր Զինչենկոն։
«Յաբլոկո»-ի լիդեր Նիկոլայ Ռիբակովը պնդել Է, որ կուսակցությունը կպայքարի ընտրություններին մասնակցելու համար: Առաջիկա օրերին նրանք կներկայացնենք վերահսկողական բողոք Գերագույն դատարանի նախագահություն, բացի այդ, Ռիբակովը հիշեցրել Է, որ կա նաև Ռուսաստանի Սահմանադրական դատարանը:
«Մենք շարունակելու ենք օգտագործել բոլոր իրավական հնարավորությունները՝ ապահովելու համար, որ մեր երկրի քաղաքացիները ունենան խաղաղ, օրինական և անվտանգ ճանապարհ՝ քվեարկելու Ռուսաստանում խաղաղության, ազատության և անվախ կյանքի, ինչպես նաև հրադադարի համաձայնագրի օգտին»,- դուրս գալով դատարանի շենքից, ասել Է Ռիբակովը։
«Երկիրը կսարսափի այս նահատակագրությունից»
Մինչդեռ երեկ իսկ Մոսկվայից 600 կիլոմետր հյուսիսարևմուտք՝ Պսկովում, դատարանը 11 տարվա ազատազրկման Է դատապարտել «Յաբլոկոյի» փոխնախագահ, ռուս-ուկրաինական պատերազմի ընդդիմախոս, 63-ամյա Լև Շլոսբերգին, որը 2016-21 թվականներին Պսկովի շրջանի տեղական օրենսդիր մարմնի պատգամավոր Էր:
Նրան մեղադրել են պատերազմի մասին կեղծ տեղեկություններ և բանակը վարկաբեկող լուրեր տարածելու համար: Դատավճիռն անակնկալ չԷր Շլոսբերգի համար: Նա հերքում Է բոլոր մեղադրանքները: Նա ասել Է, որ պատերազմը փոխել է բոլոր քաղաքացիների կյանքը։ Հազարավոր մարդիկ զոհվել են:
«Վաղ թե ուշ կհրապարակվի զոհվածների ճշգրիտ և ամբողջական թիվը՝ անուններով, և ամբողջ երկիրը կսարսափի այս նահատակագրությունից»,- ասել Է Շլոսբերգը։
Դահլիճում ներկա մարդկանցից մի քանիսը վանկարկումներով իրենց աջակցությունն են հայտնել Շլոսբերգին: Նիկոլայ Ռիբակովը խոսել Է իր զինակցի նկատմամբ ընդունված դատավճռի մասին:
«Բնականաբար, մեր մտքերը Լևի և մյուս քաղբանտարկյալների հետ են, որոնք շարունակում են պայքարել խաղաղության և մարդկային կյանքի կորուստները կանխելու համար»,- ասել Է Ռիբակովը։
«Յաբլոկոն» կոչ Է անում հրադադար կնքել Ուկրաինայի հետ և երկրում վերջ տալ բռնաճնշումներին:
Ռիբակովն ասել Է, որ, ըստ սոցիոլոգիական հետազոտությունների արդյունքների, ընտրողների 18 տոկոսը, ցանկանում Է Դումայի ընտրություններում սատարել «Յաբլոկո»-ին:
Ռուսաստանի Դաշնության Կենտրոնական ընտրական հանձնաժողովն այսօր քվեաթերթիկներից հեռացրել Է «Յաբլոկոյի» անունը: